اهلا بيك يابطل ..كويس انك خدت القرار للتمرين في الاول كدة لو انت عمرك ما لعبت رياضة ف خد نفسك بالتدريج ومتضغطش على نفسك خالص طالما طبيعة نشاطك مش كثيف.. طريق الالف ميل يبدأ بخطوة!
ابدأ بيومين في الاسبوع بس عشان تدي جسمك فرصة اكبر للاستشفاء والتعافي السريع وتعرف تخلي مفاصلك تتأقلم بالتدريج على المجهود الجديد
وخلي الحصة التدريبية جزء كبير منها تمارين احماء لكامل الجسم ..ف مثلا ابدأ ب10 دقائق على الداجة الرياضية ومتجريش عادي بهدف رفع نبضات القلب شوية ورفع حرارة الجسم .بعد كدة هتعمل حاجة اسمها الدينامك استرتش ودي عبارة عن حركات لمفاصلك زي دوران الكتف الامامي ودوران الكتف لورا والتويست الجانبي وهكذا
بعد كدة ابدأ بوزن 1 كيلو مش اكثر من كدة واعمل بيه باقي التسخين وطول براحتك في التسخين لغايت ماتحس انك جسمك دخل في المود وبقيت تحس ان الوزن اخف شوية ..
ثم ادخل على الاجهزة لانها هتساعدك تتعلم الاداء الصحيح وهتسهل عليك الحركة وهتكون اكثر امان واخف
لا تختر الكثير من التمارين يعني مش اقل من 6 اجهزة ..ولاتنسى الاستراحة بين المحموعات والعدات ..واوعى تزود اوزان اتعامل مع نفسك كأنك طفل صغير ..حتى لو حسيت ان الاوزان خفيفة برضه متزودش لان الوجع ممكن يزيد تاني يوم..
واوعى في يوم واحد تلعب على كل عضلات جسمك او مايسمى الجينرال عشان هتتعقد وهتسيب اللعبة
نصيحتي ليك اشتغل على 3 عضلات فقط متصلة ببعضعها بعد كدة تاني يوم راحة وبعد كدة سبهم وخش على 3 عضلات مختلفة وهكذا
وممكن تمارس الكارديو ابدا بوقت قليل مثلا 10 د على مدار اليوم ثم زود بالتدريج .
ولاتنسى الاهتمام بالغذاء الجيد مش معنى ان جسمك مترهل او عايز تخس انك متاكلش مثلا او تهمل اكل مفيد لا لازم تدخل جسمك معادن وفيتامينات ودهون صحية وبروتين وكارب معقد بالكميات الموصى ليك
