اهلا بيكي ..في الحقيقة الوزن الكلي لم يعد مقياس اصلا واللي حل محله هوا جهاو inbody اكثر دقة في تحليل مكونات الجسم من الدهون والعضلات .
المهم ان عشان تخسي في طريقتين 1_ تقليل الطاقة اللي داخلة الجسم من الطعام عن طريق التحكم في كمياته
2_تزويد معدل الحرق ليفوق الكمية التي يتم تناولها
والنقطة التانية دي مهمة لان ممكن تكوني بتاكلي قليل بس حاسة برضه في زيادة في الوزن ودة راجع ان معدلات الايض في جسمك اصبحت ضعيفة
ودي حلها بسيط لو لعبتي رياضة زي المقاومة بالاوزان في الجيم والكارديو (نط حبل_جري_دراجة)
ومعاها دايت جميل متوازن فيه كل العناصراللي جسمك محتاجها زي البروتين والكارب المعقد والدهون الصحية
ومع بعض العادات الصحية زي النوم المبكر والتعرض للشمس قدر المستطاع لو حضرتك محجبة ممكن تدخلي اشعة الشمس بيتك او السطح او حديقة . المهم يكون في فيتامين د موجود برضه في صفار البيض والسلمون
وتبعدي عن السكر الصناعي والمشروبات الغازية وتشربي المشروبات اللي بتساعد على الحرق زي :
القهوة السادة الفاتحة والشاي الاخضر والشاي والبهارات المفيدة زي الكركم والكاري
وباذن الله النتيجة هتكون جميلة