بالنسبة للوقت الانسب للتمرين في ناس عملت مقارنة بين وقت الصبح والليل ولكن الصح ان الوقت الانسب لظروفك الشخصية واللي هتقدر تستمر عليه هو دة الافضل ليك ..لان في النهاية جسمك هيتكيف على المعاد دة ف يفضل انو يكون معاد ثابت وانت تقدر تلتزم بيه..
وبالنسبة للتمرين بعد الاكل مباشرة على حسب نوعية الاكل ..يعني مثلا لو هتشرب عصير موز باللبن غير لما هتاكل بطاطس بالبيض !! كل وجبة بتاخد وقت معين في الهضم فكل ماتكون دسمة كل ماهتاخد وقت اطول في الهضم وبالتالي ضخ الدم للعضلات هيكون ضعيف ..اما لو كانت وجبة خفيفة زي اي حاجة هتضربها في الخلاط مش هتطلع صلبة او ثمار الفاكهة القليلة(موز وجوافة وفراولة وبطيخ وعنب وبرتقال) او مثلا حفنة مكسرات دي هتكون كويسة تديك طاقة وفي نفس الوقت سلهة وسريعة الهضم مش هتأثر على البامب ..ولما تشرب معاها القهوة الكافيين هيسرع عملية استقلاب الجلوكوز ودة هيسرع عملية تحويل الطاقة في جسمك ..وكمان في حل حلو لو خلاص الوقت ضاق بيك وعايز تاكل وتتمرن الا وهو انك تسخن على اي جهاز كارديو او تتمشى للجيم مدة 10 دقائق دة بيحفز حركة الجهاز الهضمي وبالتالي امتصاص اسرع للمواد الغذائية ..تحياتي
