اهلا بيك يابطل .يبدو من السؤال انك عايز برنامج اجمالي السعرات بتاعتو من الرقم دة.. بس حابب اقولك ان السعرات الحرارية مش كل حاجة!! لان السعرات دي لسة هتتقسم على ال3 عناصر الاساسية (بروتين_كارب_دهون صحية)
وكل عنصر فيهم بيدي طاقة مختلفة عن الثاني (جرام دهون =9 سعر حراري) (جرام بروتين=4 سعر حراري) فلابد تقسيمهم بشكل يتناسب مع هدفك وطبيعة جسمك .ولازم قبل مااي مدرب يعملك نظام يبقى ليه نظرة في جسمك فلو مثلا انت عايز تضخم وعندك نوعا ما انخفاض في هرمون التستسيرون او عندك تعب في المفاصل ف بناء على حالتك المدرب يقوم بجعل 50% من اجمالي السعرات دول يأتي من الدهون الصحية لان هي اللي هتعالج المشاكل دي وكمان لو سنك فوق كبير شوية ف ممكن تكون حساسية الانسولين تجاه الكارب اقل ف هيكون دة الاختيار الانسب ليك. مع طبعا نسبة البروتين متوسطة والكارب اقل
ولو مثلا انت عايز تضخم بس نسبة الدهون عندك اقل من 9% ف دة معناه اننا هنعكس المعادلة ونخلي المعظم بتاع السعرات جاي من الكاربس لان دة معناه ان جسمك مش سهل يخزن دهون. وهكذا فلازم اعرف الاول نسبة الدهون عندك اد اي وهل عندك اي مشاكل في افرازات هرمون الذكورة وكمان طبيعة سنك وطبيعة نشاطك تحياتي
