اهلا يبك..تمرين الضغط بيشتغل على عضلات المسؤولة عن الدفع push(الصدر والكتف الامامي والترايسبس) وبالتالي افضل وقت ليه لو انت بتلعب حصة صدر وتراي او حصة كتف وتراي ..المهم يكون في نفس يوم اللي هتمرن فيه مجموعة العضلات دي..ودة هيساعد اكثر على تغيير اشكال التمرين عليها وهيساعد على تناسق وقت الاستشفاء بحيث انها هتتمرن مع بعض في نفس الوقت وبالتالي هتريحها برضه مع بعض وتخش على عضلة غيرها او تاخد بعدها يوم راحة..
ثانيا ممنوع التدريب على نفس المجموعة العضلية بشكل يومي!! كدة جسمك مش هيلاقي فرصة او وقت يعمل استشفاء ليها وممكن توصل سريعا لمرحلة الاجهاد العضلي overtrainig..لان العضلة الكبيرة بتحتاج 48 ساعة على الاقل لاتمام الركيفري والصغيرة بتاخد يوم ونصف .. ف انت لو اتمرنت على نفس العضلات اللي تم التدريب عليها هتحس بالم تاني يوم ودي بتكون اشارة لجسمك او حتى لو محستش بالم لو جسمك لقى انك بتمرنها بشكل يومي عارف هيتصرف ازاي ..؟ هيفعل حالة الطوارئ ان الجزء دة بينزل عليه مجهود ومفيش وقت لاعادة بناءه اكبر ف هيثبت حجم العضلة وهترجم قوة تحمل فقط..يعني هتفضل صغيرة بس هتستحمل معاك مجهود لفترات طويلة وساعتها هتحس انك بتعمل الضغط كل يوم عدد كبير من غير ماتتعب عادي ..بس في النفس الوقت هتستغرب ان جسمك مش بيطور فيه اي بناء عضلي..
ابسط مثال على كلامي هما العمال او الحرفيين اللي بيستخدمو عضلاتهم في الشغل زي عمال البناء والاعمال الشاقة..الناس دي بتعمل مجهود عضلي كبير وفي نفس الوقت مش بيضخمو حجم عضلاتهم بيثبت لانها بتكيف نفسها على قوة التحمل عشان تقدر تخلي صاحبها يعيش ويقوم بعملو بشكل يومي وسبحان الله الخالق
