التمارين طيلة الأسبوع ماعدا يوم السبت

Question

سؤال حيرني من مدة طويلة من كثرة ماسمعت من إختلاف الآراء،فأريد إجابة نهائية ومرضية من خبير بهالمجال لسؤالي،،،الآن هل ينفع أن أتمرن طيلة الأسبوع أم مابين أربع أيام لخمسة أيام أسبوعياً،سمعت أن التمارين طيلة الأسبوع يؤثر عليك وغير مفيد كما يظنه البعض،وسمعت أن التمارين لأربع أيام إلى خمس مفيد وغير مفيد حرفياً تحيرت أين أجد الإجابة المرضية،فأتمنى إفادتي بتفاصيل لسؤالي،لاعليك فصّل الشرح إلى أن يعلق جهازك فأنا أريد إجابة مرضية أكثر من إجابة مبسطة ومختصرة....تحياتي

Answer 1

اهلا بك يابطل ..باختصار كدة مفيش حاجة معينة او اسلوب معين في الرياضة دي هو اللي صح والباقي غلط!!
يعني حسب كذا حاجة بنقدر نحدد انسب طريقة للتمرين تبعا لاختلاف طبيعة الاجسام والفروق الفردية بين الاعبين ولازم يكون عندك خطة واضحة لجدولك التدريبي عشان تنهي الحيرة دي ودي بعض نقاط اللي تبني عليها جدولك وهي كالاتي:
1-مدى الوقت المتوفر لديك للتدرب على مدار الاسبوع
ودي معناها لو حضرتك مشغول في حياتك ومن النوع اللي مش بيقدر يلتزم بالتمرين فترة طويلة ف الحل هنا انك تحدد عدد الايام اللي هتقدر تلاقي فيها ساعة تمرين وتنزل الجيم بانتظام وبناء على ذلك هيتم تنسيق العضلات بالشكل اللي يناسب ظروفك دي وهتحصل على نتائج ممتازة عادي ..مثلا لو مش فاضي غير يومين بالاسبوع هتقسم جدولك (day 1 upper) (day 2 lower)
2-مستواك التدريبي
ودي معناه انك هتقيس مستواك (مبتدئ متوسط متقدم) وبناء عليه هتعرف شدة وكثافة التمرين الانسب ليك ..يعني هتعرف يناسبك كام مجموعة وكام تكرار وكام تمرين
3-التردد التدريبي
ودة معناه انك هتتمرن العضلة كام يوم في الاسبوع ؟؟ هل هتمرنها مرتين او مرة ؟؟ ودي بترجع لنقط الضعف في جسمك واي اللي هدفك انك تتطورو
4-الهدف من التمرين
هل انت شخص بيحاول يبني عضلات ؟؟ هل انت لاعب قوة وبتحاول تبني قوة تحمل اكثر من بناء العضلات؟؟ هل انت شخص هدفك تحافظ على صحتك فقط ومش بتفكر في شكل الجسم اوي؟؟ كل الحاجات دي انت اللي هتحددها
5-التفكير النقدي والاستشفاء
بمعنى انك في اي حالة هتبني عليها نظام التمرين بتاعك لازم تسمع جسمك وتنسق اوقات الاستشفاء العضلي بحيث انك متوصلش لمرحلة الاجهاد العضلي مبكرا او متتسببش في اصابة يعني مثلا لو اتمرنت انهاردة صدر وباي متلعبش بكرة ظهر لان الباي عضلة مساعدة يوم الظهر وانت كدة مفصلتش عشان تديها استشفاء
ف من الاخر الموضوع مش ثابت وفي كذا مدرسة ..وانا كمدرب بقيم اللاعب بناء على النقاط دي عشان اقدر افيدو تحياتي

Comments

https://arabianbodybuilding.com/ar-intl/article/عدد-أيام-التمرين-وأيام-الراحة-للاعب-كمال-الأجسام-بناء-على-الغايات

Answer 2

https://arabianbodybuilding.com/ar-intl/article/هام-لكل-لاعب-كمال-أجسام-أضرار-فرط-التمرين-اليومي-على-العضلات